കവിത

ചുട്ടുപൊള്ളുന്ന റോട്ടരികില്‍ നിന്ന്
ജഡ്കയുന്തുന്ന കറബ്ബന്റെ മുതുകിലെ
വിയര്‍പ്പിന്‍ മുത്തുകാളാണിന്നെന്റെ
കവിത,

തൊട്ടടുക്കിലെ കുപ്പയോരത്ത്

വെളിക്കിരിക്കുന്ന ഭ്രാന്തന്റെ
നാണമില്ലായ്മയാണിന്നെന്റെ
കവിത..

മുട്ടിയൊഴുകുന്ന ശകട കടലിന്നി-
ടയ്ക്ക് തെന്നി നീങ്ങുന്നരക്കാലന്റെ
മെയ്‌വഴക്കമാണിന്നെന്റെ
കവിത

ചിട്ടയില്ലാതെ കൈകൊട്ടിയാടി
വരും ഹിജഡയുടേ വശ്യ
സൌന്ദര്യമാണെന്റെ
കവിത..

കരള്‍ക്കൂട്ടിലിരുന്ന്
കുറുകുന്ന പ്രണയമേ
നിന്നെ കുറിക്കാനാക്ഷര-
മറ്റിന്നു ഞാന്‍
നിസ്സഹായനാകുന്നൂ..